RSS

Thursday, April 8, 2010

موجه وشط ومايه


موجة بحر معديه ع الرمله ماشيه ومنسيه
ضحكه وموجه ومايه
وعيون حبيبي هنا قصاد عينيّا
لمحته من بعيد جاي على شاطئ الرومانسيه
بينادي عليا بأعلى صوت وسامعاه بيقرب من بعيد عليّا
جريت عليه والبسمه على شفتيّا
قبلات وأحضان وقلب مليان حنان
وكل ده كان ليه وليّا
ويشهد على حبنا موج وشط ومايه
وغنوه ومركب معديه
وناس كتير تشهد على اللهفه اللي في عينيّا
شوق وحنين وحب بقاله سنين
وجت اللحظه ديّه وايده لمسه ايديّا
وضمني بين ايديه وعينيه بتبص لعينيّا
وآآآه على الضحكه ديّه
واللهفه اللي في عينيه ليّا
وآآآه يا وعدي على اللحظات الرومانسيه